Bütindünýä saglygy goraýyş guramasy (BSGG) maýmyn mamasyna (mpox) garşy göreşmek üçin Bavarian Nordic kompaniýasynyň MVA-BN sanjymyny tassyklady diýip, guramanyň metbugat gullugyna salgylanýan “Wedomosti” neşiri ýazýar.
Sanjym BSGG-niň deslapky topar sanawyna girizildi.
BSGG-niň baş direktory Tedros Adhanom Gebreýesus: “Mama garşy sanjymyň bu deslapky ilkinji topary Afrikada häzirki ýüze çykýan wiruslara ýa-da geljekde bu kesele garşy göreşmek üçin möhüm ädimdir "-diýdi.
MVA-BN sanjymy 18 ýaşdan uly adamlar üçin niýetlenendir we dört hepde arakesme bilen iki doza görnüşinde sanjylýar. Kesel ýaýran halatynda, derman serişdeleri çäkli bolanda ýekeje sanjym etmek hem bolar. Waksina kämillik ýaşyna ýetmediklerde ulanmak üçin ygtyýarnama berilmese-de, çagalarda, ýetginjeklerde, göwreli aýallarda we immuniteti gowşak adamlarda gözükdirmeden daşary ulanylyp bilner.
Sanjymy kesel ýaýranda, onuň peýdasy bolup biläýjek töwekgelçiliklerden ýokary bolanda ulanmak maslahat berýär.
Gebreýesus bu sanjymyň Afrikada, şol sanda Kongo Demokratik Respublikasynda keseliň täze ýüze çykarylan mpox ştammynyň häzirki ýaýramasynyň öňüni almakdaky ähmiýetini belläp geçdi. BSGG ýokançlygyň mundan beýläk ýaýramagynyň öňüni almak üçin halkara derejesinde utgaşykly hereket etmäge çagyrdy.
