Aşgabatda Dünýä türkmenleriniň ynsanperwer birleşiginiň XXV maslahaty geçirildi

  • 15.09.2024 12:48
  • 4.4k+

14-nji sentýabrda Aşgabatda daşary döwletleriň birnäçesinde kowçum bolup ýaşaýan türkmenleriň wekilleriniň hem-de ýurdumyzyň ähli sebitleriniň wekiliýetleriniň gatnaşmagynda Dünýä türkmenleriniň ynsanperwer birleşiginiň XXV maslahaty geçirildi. Forum Türkmenistanyň Jemgyýetçilik guramalarynyň merkezinde geçirildi diýip, TDH habar berýär.

Maslahatyň gün tertibine laýyklykda, ýerine ýetirilen işler barada hasabatlar diňlenildi hem-de DTYB-nyň işiniň geljekki ileri tutulýan ugurlary ara alnyp maslahatlaşyldy.
Maslahatyň dowamynda ýurdumyzda durmuşa geçirilýän iri halkara taslamalar barada wekiliýet agzalaryna giňişleýin maglumat berildi.
Bellenilişi ýaly, häzirki wagtda daşary ýurtlaryň 14-sinde, hususan-da, Russiýa Federasiýasynda, Beýik Britaniýada, Germaniýa Federatiw Respublikasynda, Şwesiýada, Ukrainada, Owganystanda, Birleşen Arap Emirliklerinde, Saud Arabystany Patyşalygynda, Pakistan Yslam Respublikasynda, Türkiýede, Özbegistanda, Gazagystanda, Gyrgyzystanda we Täjigistanda Dünýä türkmenleriniň ynsanperwer birleşiginiň 27 sany bölümi hereket edýär.
Germaniýadan, Owganystandan, BAE-den, Türkiýeden gelen wekiller DTYB-nyň daşary ýurt bölümleriniň işi barada gürrüň berdiler.
Çykyşlarda ýurdumyzyň çäginden daşarda hem giňden tanalýan abraýly halkara gurama bolan Dünýä türkmenleriniň ynsanperwer birleşiginiň nobatdaky maslahatynyň doganlyk gatnaşyklary we raýdaşlygy berkitmekde, ählumumy parahatçylygyň we gülläp ösüşiň hatyrasyna hyzmatdaşlygy işjeňleşdirmekde uly ähmiýeti boljakdygy bellenildi.
Soňra birleşigiň agzalaryny Hormat hatlary bilen sylaglamak dabarasy geçirildi.
DTYB-nyň XXV maslahatynyň ahyrynda Prezident Serdar Berdimuhamedowyň adyna Ýüzlenme kabul edildi.


düýn 09:23
7.3k+

Gurbanguly Berdimuhamedow Awazada BMG-niň maslahatynyň guramaçylyk meselelerini maslahatlaşdy

Balkan welaýatyna iş saparynyň barşynda Türkmenistanyň Halk Maslahatynyň Başlygy Gurbanguly Berdimuhamedow iş maslahatyny geçirdi. Onda BMG-niň Deňze çykalgasy bolmadyk ösüp barýan ýurtlar boýunça üçünji maslahatyny ýokary guramaçylyk derejesinde geçirmek bilen bagly meselelere seredildi...

düýn 09:17
10k+

Türkmenistanyň Halk Maslahatynyň Başlygy Hazar deňzinde gämili ýüzüşi amala aşyrdy

Türkmen halkynyň Milli Lideri Gurbanguly Berdimuhamedow Balkan welaýatyna iş saparynyň barşynda Hazar deňzinde gämili ýüzüşi amala aşyrdy. Türkmenistanyň Döwlet howpsuzlyk geňeşiniň sekretary, goranmak ministri B...

düýn 09:10
7.6k+

Gurbanguly Berdimuhamedow Awazada BMG-niň maslahatynyň medeni çäreleriniň geçiriljek ýerini gözden geçirdi

Türkmenistanyň Halk Maslahatynyň Başlygy Gurbanguly Berdimuhamedow Balkan welaýatyna iş saparynyň barşynda “Awaza” milli syýahatçylyk zolagynda ýerleşýän dabaraly medeni çäreleriň geçirilýän ýerine baryp, bu ýerde alnyp barylýan gurluşyk işleriniň barşy bilen tanyşdy...

düýn 08:47
10k+

Gurbanguly Berdimuhamedow Türkmenbaşy Halkara howa menzilinde döredilen şertler bilen tanyşdy

Türkmenistanyň Halk Maslahatynyň Başlygy Gurbanguly Berdimuhamedow Balkan welaýatyna iş saparyny amala aşyryp, Türkmenbaşy Halkara howa menzilinde döredilen döwrebap şertler bilen tanyşdy. Saparynyň çäklerinde...