SpaceX-iň Polaris Dawn missiýasynyň çäklerinde kosmos syýahatçysynyň açyk kosmosa taryhy çykyşy üstünlikli geçdi: astronawt Ýerden 700 km belentlikde Crew Dragon gämisinden kosmosa tanap bilen çykdy.
41 ýaşly milliarder Jared Aýzekman täjirçilik uçuşynyň çäklerinde açyk kosmosa çykan ilkinji adam boldy, ýöne onuň gämini doly terk etmändigini bellemelidiris. Şeýle-de, açyk kosmosa SpaceX-iň inženeri Sara Jillis çykdy.
Açyk kosmosa çykmazdan ozal kapsula germetikligini ýitirdi, tutuş ekipaž bolsa SpaceX tarapyndan işlenip taýýarlanan ýuka skafandr bilen goraldy. Kislorod Crew Dragon bilen şlang birikmesi arkaly berildi.
Açyk kosmosa çykyş, beýlekiler bilen bir hatarda, täze skafandr gurluşyny we amallary barlamalydy. Bu täjirçilik kosmos uçuşlarynyň gerimini giňeltmäge mümkinçilik berer.
Belläp geçsek, Aýzekman Polaris Dawn missiýasyny SpaceX bilen bilelikde maliýeleşdirdi. Uçuş bäş gün dowam eder. Ekipažyň düzümine ABŞ-nyň Harby-howa güýçleriniň öňki podpolkownigi Skott Potit we SpaceX-iň kosmos amallary boýunça baş inženeri Anna Menon hem girdi.
