Fransiýanyň Prezidentiniň aýaly Brižit Makron Netflix-iň “Emili Parižde” serialynyň täze möwsüminde peýda bolar. Ýurduň Birinji hanymy özüniň epizodik keşbini ýerine ýetirer.
“Elle” žurnaly hanym Makronyň modasy bilen belli bolan serial tarapyndan “anyk görkezmeler bolmazdan” öz eşiklerini geýjekdigini ýazýar.
Makrony surata düşüriş meýdançasyna çagyrmak pikiri 2022-nji ýylyň dekabr aýynda, serialy döredijiler bilen Birinji hanymyň Ýeliseý köşgündäki duşuşygynda ýüze çykdy.
Taslamany dörediji Darren Star Makronyň “uly zehininiň” bardygyny belledi. Serialda baş keşbi ýerine ýetiriji Lili Kollinz Makronyň seriala gatnaşmagynyň heniz 2022-nji ýylda meýilleşdirilendigini tassyklady.
Bu Brižit Makronyň kinoda eýýäm ikinji gezek peýda bolmagydyr. Ol 2018-nji ýylda iki sany maýyp suwda ýüzüji baradaky “Vestiaires” komediýa serialynda epizodik keşbi ýerine ýetirdi. Şeýle-de, şu ýyl alty bölümden ybarat “Brigitte, une femme libre” (Brižit, erkin aýal) biografik filminiň önümçiligi başlandy.
“Emili Parižde” serialynyň täze möwsüminiň premýerasy 12-nji sentýabrda bolar.
