Erkekleriň arasynda geçirilen US Open – 2024 ýaryşynyň finaly Italiýanyň SuperTennis TV teleýaýlymynyň taryhynda iň köp tomaşa edilen tennis oýny boldy. Bu barada žurnalist Luka Fýorino X sosial ulgamyndaky sahypasynda habar berdi.
Finalda ýeňiş ugrunda italiýaly Ýannik Sinner bilen amerikaly Teýlor Frits bäsleşdi. Duşuşyk Sinneriň 6:3, 6:4, 7:5 hasabynda utmagy bilen tamamlandy. Bu oýun ýurtda ortaça 1 mln 788 müň tomaşaçyny ekrana çekdi, umuma alanyňda bolsa, finala 3,5 milliondan gowrak adam tomaşa etdi.
Teletomaşalaryň ortaça paýy 10,12%-e ýetdi. Žurnalist Italiýada oýun wagty işlän telewizorlaryň ondan biriniň SuperTennis tennis kanalyny görkezendigini belledi.
Dürli maglumatlara görä, Italiýanyň ilaty, takmynan, 60 mln ýaşaýjydan ybarat.
23 ýaşly Sinneriň US Open-de gazanan ýeňşi onuň üçin möwsümde “Uly tuwulga” ýaryşynda we karýerasynda ikinji ýeňiş boldy.
