Local Motors Rally Fighter wnedorožnigi sentýabr aýynyň ortalarynda SBX Cars onlaýn auksionyna çykarylar. Bu seýrek model “Forsaž” franşizasynyň 8-nji bölüminde ulanyldy. Awtoulagy aktrisa Mişel Rodriges dolandyrdy.
Wnedorožnigiň bahasy entek aýan edilmedi.
Local Motors 100 sany Rally Fighter çykardy, ýöne auksiona onuň 55-njisi goýlar.
Baggi wnedorožnigi 556 at güýjüni öndürýän Chevrolet-iň 6,2 litrlik hereketlendirijisi, kuzowyň birleşdirilen panelleri, 37 dýuýmlyk şinalary we köp energiýa sarp edýän podweska bilen üpjün edilendir.
2013-nji ýylda çykarylandan bäri awtoulag 7,5 müň km ýol geçipdir. Wnedorožnik abatlanylyp, zawoddan çykarylan ýagdaýa getirildi, ýöne onda filmiň surata düşürilişinden galan käbir ýüzleý zeperlenmeler ýörite saklanyp galdy.
Wnedorožnigiň gapdaly bilen “Forsaž 8” filminiň posteri we Rally Fighter-iň oýnawaç modeli berler. Olaryň ikisinde-de Mişel Rodrigesiň goly bar.
