Türkmenistanyň Merkezi banky Aşgabat şäheriniň A.Nyýazow şaýolunyň ugrunda söwda merkezini gurmak üçin “Rönesans Endüstri Tesisleri Inşaat Sanaýi ve Ticaret Anonim Şirketi” türk kompaniýasy bilen şertnama baglaşar.
Munuň üçin ygtyýar berýän degişli resminama Türkmenistanyň Prezidenti gol çekdi.
Resminama laýyklykda, türk kompaniýasy söwda merkeziniň taslamasyny düzer, meýdançanyň toprak işlerini ýerine ýetirer hem-de ony ýanaşyk ýerlerini abadanlaşdyryp gurar.
Gurluşyk işlerine 2024-nji ýylyň oktýabr aýynda başlamak we söwda merkezini 2027-nji ýylyň oktýabr aýynda ulanmaga doly taýýar edip tabşyrmak bellenildi.
Bellenilişi ýaly, bu resminama paýtagtymyzyň ilatynyň we myhmanlarynyň medeniýetli dynç almagy üçin has amatly şertleri döretmek, şeýle hem Aşgabat şäheriniň binagärlik-şähergurluşyk keşbini has-da gözelleşdirmek maksady bilen kabul edildi.
