Kaliforniýada ýerleşýän AstroForge startapy asteroidden çeşmeleri almak boýunça ilkinji hususy missiýasyny geçirmäge taýýarlanýar. Intuitive Machines kompaniýasynyň IM-3-niň bortunda uçurylan Vestri kosmiki gämisi 2025-nji ýylyň oktýabr aýynda Ýere ýakyn asteroide baryp biriger diýip, 4PDA portaly habar berýär.
Anyk haýsy asman jisimi hakda aýdylýandygy entek belli däl.
Kompaniýa 40 million dollar maýa goýumyny özüne çekdi, missiýanyň umumy býujeti 55 million dollar. AstroForge-niň maksady kosmos obýektlerinden kobalt, nikel we platina toparyna degişli metallary almak bilen, Ýerdäki möhüm we ýetmezçilik edýän çeşmeleriň üstüni ýetirmek.
Vestri moduly asteroide baransoň onuň düzümini öwrener we çeşmeleri almak işine başlar. Bir-iki tonna materialyň arassalanyp, Ýere getirilmegine garaşylýar. Bu missiýa kosmosda gazylyp alynýan peýdaly magdanlaryny täjirleşdirmegiň mümkinçiligini görkezmegi maksat edinýär.
