Şweýsariýanyň Stadler kompaniýasy demir ýol ulaglary pudagynda öwrülişikli ösüşi - elektrik we wodorod bilen işleýän modifikasiýa edilen RS ZERO ýolagçy elektrik otlusyny hödürledi.
Meşhur Stadler RS1 birleşmesine esaslanan täze model elektrikleşdirilen we elektrikleşdirilmedik liniýalarda işlemek üçin niýetlenendir. Gibrid tehnologiýa RS ZERO-a uglerod galyndysyz hereket etmäge mümkinçilik berýär we bu ekologiýa taýdan arassa ulag üçin iň oňat çözgütdir.
Prototip häzirki wagtda bir wodorod hereketlendirijisi bilen işleýär, ýöne goşa hereketlendiriji görnüşi hem işlenip düzülýär. Birinji görnüşi 700 km-e, ikinjisi - bir zarýadda 1000 km-e çenli ýol geçip biler. Otlynyň iň ýokary tizligi sagatda 120 km.
Işläp düzüjiler RS ZERO-ny elektrikleşdirilmedik liniýalara hyzmat edýän sebit operatorlary üçin amatly görýärler. Railcolor News-yň habar bermegine görä, Germaniýadaky demirýollaryň takmynan 38%-i we Ýewropadakylaryň bolsa 43%-i elektrikleşdirmedik. RS ZERO sessiz we ekologiýa taýdan arassa hereketi hödürläp, dizel otlularyna ekologiýa taýdan arassa alternatiwany hödürleýär.
