BSGG: ykjam telefonlar ulanmak bilen beýniniň rak keseliniň arasyndaky baglanyşyk ýok

  • 05.09.2024 20:53
  • 13k+

Bütindünýä saglygy goraýyş guramasy (BSGG) smartfon ulanmak bilen beýniniň rak keseliniň döremek töwekgelçiliginiň arasynda hiç hili baglanyşygyň ýokdugyny mälim etdi. Şeýle netijä 1994-nji ýyldan 2022-nji ýyla çenli geçirilen 63 barlagyň maglumatlarynyň seljermesi esasynda gelindi diýip, Reuters habar berýär.

Dünýäniň on ýurdunyň bilermenleri jübi telefonlaryndan we beýleki telewizor, radar ýaly enjamlardan gelýän radioýygylyk şöhleleriniň täsirini öwrenmäge ünsi jemlediler. Netijede, barlaglaryň hiç biri ulularda ýa-da çagalarda beýniniň, gipofiziň ýa-da tüýkülik mäziniň rak keseliniň ýokarlanýandygyny görkezmedi.
Bu netijeler BSGG-niň we beýleki halkara guramalarynyň jübi telefonlaryndan çykýan radiasiýanyň zyýanlydygyna hiç hili ynandyryjy subutnama tapmadyk öňki netijelerini tassyklaýar.
Rak keselini öwrenmek boýunça halkara gulluk (IARC) 2011-nji ýylda "kanserogen bolmagy ähtimal" (2B klas) derejesine degişli edilen telefonlardan gaýdýan radiasiýanyň klassifikasiýasyna täzeden seretmek isleýär.
BSGG-niň täzeden kesgitlejek netijeleri 2025-nji ýylyň başynda çap ediler.


düýn 14:27
3.1k+

Süýji keseline we semizlige garşy ýokary täsirli dermanlaryň täze synpy - “madda-15” döredildi

Awstraliýanyň we Ýewropanyň molekulýar biologlary süýji keseline we semizlige garşy, ganda glýukozanyň derejesini peseldýän we iýmit siňdiriş bilen bagly meseleleri ýa-da etiňi ýitirmek ýaly zyýanly täsirleri bolmazdan agramy azaldýan dermanlar toparyny döretdiler...

24.06.2025 10:30
6.5k+

Gwadelupaly zenanda ganyň täze topary ýüze çykaryldy

Gwadelupanyň ýaşaýjysy "Gwada negatiw" (Gwada negative) adyny alan täze gan toparly dünýäde ilkinji adam boldy. Bu barada Fransiýanyň Gan edarasynyň (EFS) hünärmenleri habar berdiler diýip, Medical Xpress ýazýar...

23.06.2025 12:41
1.9k+

Birnäçe ýurtda “kitaplar bilen bejergi” – biblioterapiýa giňden ýaýrap başlady

Beýik Britaniýada we başga-da birnäçe ýurtda biblioterapiýa – çeper eser okamak arkaly adamyň psihiki ýagdaýyny gowulandyrmak usuly giň gerime eýe bolýar. Bu barada Bi-bi-si ýazýar. Biblioterapiýa psihika oňyn täsir edip biljek kitaplary saýlamagy göz öňünde tutýar...

22.06.2025 19:28
7.3k+

Ispaniýada saç ekilmeginiň ornuny tutup biljek derman döretdiler

Ispaniýaly barlagçylar androgenetik alopesiýaly (erkek adamlaryň saçynyň dökülmegi bilen deň) laboratoriýa syçanlarynda tüý örtüginiň doly dikeldilmegini gazandylar. Bu üstünlik saç dökülmegine garşy täze dermanlar üçin esas bolup biler diýip, New-York Post ýazýar...