3-nji sentýabrda Daşoguzdaky Türkmen oba hojalyk institutynda howanyň üýtgemegi meseleleri boýunça Ýaşlar maslahaty geçirildi.
Türkmenistanyň DIM-niň metbugat gullugynyň habar bermegine görä, çäre Türkmenistanyň Hökümeti bilen BMG-niň Hemişelik utgaşdyryjysynyň edarasy, Azerbaýjan Respublikasynyň, Beýik Britaniýanyň we Birleşen Arap Emirlikleriniň Türkmenistandaky ilçihanalary bilen bilelikde guraldy.
Maslahat welaýatyň ähli künjeginden gelen ýaşlary bir ýere jemlemek bilen, olara möhüm daşky gurşaw meseleleri boýunça pikir alyşmaga we howanyň üýtgemegine garşy göreşmäge ýaşlaryň gatnaşmak mümkinçiliklerini ara alyp maslahatlaşmaga ýardam berdi.
Maslahatyň işi tematiki bölümçeler görnüşinde geçirildi.
Bölümçeleriň mowzuklaryna laýyklykda, her topar ýurduň ähli welaýatlarynda geçjek we Aşgabatda tamamlanjak mowzuklaýyn maslahatlaryň ahyrynda kabul ediljek Türkmenistanyň Ýaşlar beýannamasynyň deslapky nusgasyna girizmek üçin teklipleri taýýarlady.
Duşuşyklaryň netijesinde Türkmenistanyň ýaşlarynyň isleglerini we BMG-niň Howanyň üýtgemegi baradaky Çarçuwaly konwensiýasynyň (HÜÇK) proseslerine bolan garaýyşlaryny beýan edýän Ýaşlar beýannamasy kabul ediler, şeýle-de ol Bakuda geçiriljek COY19 Ýaşlar maslahatynda hödürlener we COP29-da YOUNGO-nyň resmi ählumumy çemeleşmesine giriziler.
