Kaliforniýa ABŞ-da, mirasdüşerleriniň razylygy bolmazdan, emeli aňy ulanyp, merhum aktýorlaryň sanly nusgalarynyň döredilmegini kanuny taýdan gadagan eden ilkinji ştat boldy. Döwlet senaty tarapyndan kabul edilen bu kanun gubernator Gewin Nýusomyň goluna garaşýar diýip, “Variety” habar berýär.
Aktýorlaryň SAG-AFTRA kärdeşler arkalaşygy, merhum artistleriň keşpleriniň ulanylyşyna gözegçilik etmegiň zerurdygyny nygtap, bu kanuny goldady.
Hukuk hünärmenleri şuňa meňzeş wakalaryň Golliwudda eýýäm ýüze çykandygyny bellediler: 2000-nji ýylda “Gladiator” filminiň surata düşürilişinde aradan çykan Oliwer Ridiň keşbi emeli aňyň kömegi bilen dikeldildi, Pol Uoker bolsa “Forsaž 7” filmine tehnologiýanyň kömegi bilen gaýdyp geldi. Hünärmenleriň belleýşi ýaly, iki ýagdaýda-da mirasdüşerleriň razylygy alyndy.
Kaliforniýada kabul edilen täze kanun, kino pudagynda emeli aňy ulanmagyň ähmiýetine ünsi çekdi.
