Merkezi Aziýa ýurtlarynyň gümrük gulluklarynyň zenan hünärmenleri Tailandyň tejribesini öwrendiler

  • 01.09.2024 23:22
  • 5.4k+

BMG-niň Neşe we jenaýatçylyk baradaky müdirliginiň Zenan torlarynyň Ählumumy Maksatnamasynyň we Bütindünýä gümrük guramasynyň “Konteýnerli daşamalara gözegçilik etmek boýunça” Ählumumy Maksatnamasynyň çäklerinde Türkmenistanyň, Gazagystanyň, Gyrgyzystanyň we Täjigistanyň gümrük gulluklarynyň zenan hünärmenleri üçin Tailanda iş sapary guraldy diýip, türkmen gümrük gullugynyň saýtynda habar berilýär.

Çäre konteýner daşamalarynda we töwekgelçilikleriň görnüşlerini kesgitlemekde Bangkokda we Laýem Çabangda hereket edýän Port gözegçilik toparlarynyň öňdebaryjy tejribelerini öwrenmek maksady bilen, Maksatnama gatnaşýan Merkezi Aziýa ýurtlarynyň gümrük gulluklarynyň Port gözegçilik toparlarynyň zenan düzümlerine gönükdirildi. 20-22-nji awgust aralygynda amala aşyrylan saparyň dowamynda iş gatnaşyklarynyň hem-de sebitara hyzmatdaşlygynyň, şol sanda Maksatnamanyň Zenan torlary meýdançasynda hyzmatdaşlygyň ýola goýulmagy boýunça geňeşmeler geçirildi.
Merkezi Aziýaly weikiliýet Bangkokyň we Laýem Çabangyň deňiz portlaryna baryp, umymy maglumatlar we port gözegçiliginiň anyk işleri, şol sanda aradan aýyrma ýagdaýlary bilen tanyşdylar. Duşuşyga gatnaşyjylar öz ýurtlarynyň Port gözegçilik toparlarynyň işiniň gysgaça beýany boýunça görkezme tanyşdyrylyşlary ýerine ýetirdiler. Bangkokyň we Laýem Çabangyň Port gözegçilik toparlary ulanylýan IT-ulgamynyň, konteýnerlere gözegçilik etmek üçin retgen-enjamlarynyň işleýişini iş üstünde görkezdiler.
Tailanda bolan bu tejribe alyş sapary Bangkogyň Gümrük akademiýasyna baryp görmek bilen tamamlandy. Bu ýerde direktor we mugallymlar topary bilen duşuşyk geçirilip, Tailandyň gümrük gulluklarynyň ýokary wezipeli zenan hünärmenleriniň gatnaşmagynda metbugat maslahaty geçirildi.


düýn 20:56
4k+

Türkmenistanyň we Ukrainanyň bilim edaralary ylym, bilim we atçylyk babatda hyzmatdaşlyk ederler

24-nji oktýabrda Aba Annaýew adyndaky Halkara atçylyk akademiýasy bilen Ukrainanyň Bioresurslar we tebigatdan paýdalanmak boýunça Milli uniwersitetiniň arasynda Özara düşünişmek hakynda Ähtnama gol çekildi. Bu barada Türkmenistanyň DIM-nde habar berdiler...

düýn 20:47
1.7k+

Türkmenistanyň biržasy geçen hepdäniň söwdalarynyň netijelerini habar berdi

Geçen hepdede Türkmenistanyň Döwlet haryt-çig mal biržasynyň söwdalarynda jemi bahasy ABŞ-nyň 7 million 862 müň dollaryndan gowrak bolan geleşikleriň 15-si hasaba alyndy. Daşary ýurt puluna Birleşen Arap Emirlikleriniň, Owganystanyň, Ukrainanyň hem-de Özbegistanyň işewür toparlarynyň wekilleri «Türkmenhimiýa» döwlet konserniniň kärhanasynda öndürilen suwuklandyrylan gazy we karbamidi satyn aldylar...

düýn 15:10
1.4k+

Serdar Berdimuhamedow Aleksandr Wan der Belleni Awstriýanyň Milli güni bilen gutlady

Prezident Serdar Berdimuhamedow Awstriýa Respublikasynyň Federal Prezidenti Aleksandr Wan der Bellene Awstriýa Respublikasynyň Milli güni mynasybetli mähirli gutlaglaryny we iň gowy arzuwlaryny iberdi. Gutlagda...

düýn 15:03
2.8k+

Türkmenistanyň Prezidenti 2026-njy ýylda geçiriljek sergileriň we forumlaryň sanawyny tassyklady

Türkmenistanyň Prezidenti ministrlikler we pudaklaýyn dolandyryş edaralary tarapyndan 2026-njy ýylda geçiriljek sergileriň, ýarmarkalaryň, maslahatlaryň we festiwallaryň sanawyny hem-de olary geçirmek boýunça guramaçylyk toparynyň düzümini tassyklaýan Karara gol çekdi...