Apple kompaniýasy sanly hyzmatlar bölümçesinde 100 işgärini azaldýar diýip, Bloomberg habar berýär. Işden çykarmak, esasan, Apple Books programmasynyň we Apple Bookstore sanly kitap dükanynyň üstünde işlän inženerlere täsir eder. Şeýle-de, kompaniýanyň habarlar ugry optimizasiýa ediler, ýöne onuň ösüşi dowam eder.
Bu şu ýylyň dowamynda Apple-de işgärleriň azaldylmagynyň eýýäm dördünji tapgyry. Aprel aýynda kompaniýa iki uly taslamany ýapandan soň 614 işgäri işden aýyrdy. Ýolbaşçylyk işden çykarmagy bazardaky üýtgeşmelere uýgunlaşmagyň we işewürligiň has geljegi uly ugurlaryna ünsi jemlemegiň zerurlygy bilen düşündirýär.
Işden çykaryljak işgärlere kompaniýanyň içinde ýa-da ondan daşary täze iş tapmak üçin 60 gün berler. Olaryň käbiri Apple-iň beýleki bölümçelerinde azaldylan iş ýüki bilen işini dowam etdirip biler.
Işden çykarylmalara garamazdan, Apple-iň hyzmat biznesi iň girdejili ugurlaryň biri bolmagynda galýar. Geçen ýyl ol kompaniýanyň umumy girdejisiniň 22%-ini üpjün etdi, bu bolsa 10 ýyl mundan ozalkydan ep-esli köpdür, şol wagt bu görkeziji 10%-den hem geçmeýärdi.
