Türkmenistanda täze okuw ýylynda 155 müňden gowrak birinji synp okuwçylary Prezident Serdar Berdimuhamedowyň adyndan «Bilimli» atly noutbuk kompýuterlerini sowgat alarlar diýip, "Türkmenistan: Altyn asyr" elektron neşiri habar berýär.
«Bilimli» atly noutbuklaryň häsiýetnamalary şundan ybarat:
- Umumy ýadynyň göwrümi - 128 Gb
- Operatiw ýady - 4 Gb
- Sensor panel - noutbuklara sanly şekilleri özünde jemleýän köp taraply sensor paneli goşuldy. Bu bolsa enjamy kalkulýatory işe girizmezden ulanmaga mümkinçilik berýär.
- Akkumulýatory - 5000 mAs uly göwrümli akkumulýatory (3.7V Lithium-ion полимер) özbaşdak ýagdaýda uzak wagt işlemegi üpjün edýär.
- Noutbuklaryň ýanyna elektrik üpjünçiliginiň häzirki zaman ölçeglerine laýyk gelýän Micro USB hem-de USB type-C kuwwatlandyryjy enjamlary goşulýar.
«Bilimli» atly noutbuklaryň programma üpjünçiliginde çagalara hasaplamagy we hat ýazmagy öwredýän ozal bar bolan oýunlaryň üstüne täze programma goşuldy. Ol ýol hereketiniň düzgünleri bilen tanyşdyrýar. Bu programmalar «Agzybirlik tilsimaty» kärhanasynyň hünärmenleri tarapyndan taýýarlanyldy.
Türkmenistanyň Senagat we gurluşyk önümçiligi tarapyndan «Aýdyň gijeler» HJ-i hem-de Türkmenistanyň Söwda we daşary ykdysady aragatnaşyklar ministrliginiň Kompýuter tehnologiýalary merkeziniň «Agzybirlik tilsimaty» kärhanasy bilen bilelikde taýýarlanylan okuw üçin niýetlenilen noutbuklar Aşgabatda, Arkadag şäherinde hem-de ýurdumyzyň welaýatlarynda birinji synp okuwçylara gowşurylar.
