2024-nji ýylyň 1-nji dekabrynda Aşgabatda Ýapon dilini biliş derejesini kesgitlemek (Japanese-Language Proficiency Test, JLPT) boýunça ikinji synag geçiriler. Bu barada Ýaponiýanyň Türkmenistandaky ilçihanasynyň saýtynda habar berdiler.
Synag tölegli bolup, oňa gatnaşmak üçin arzalar 2024-nji ýylyň 26-30-njy awgusty aralygynda kabul edilýär. Arzalar iş günleri 09:30-dan 12:45-e çenli we 14:00-dan 17:00-a çenli kabul edilýär.
JLPT — bu ene dili bolmadyk şahslar üçin ýapon dilini biliş derejesini tassyklaýan dünýäde iň iri synagdyr. Synag Ýaponiýada bolşy ýaly, onuň daşynda hem geçirilýär.
Goşmaça maglumatlary şu salgydan alyp bilersiňiz.
