Google teksti şekile öwürýän iň täze modeli bolan Imagen 3-iň giň köpçülige elýeterlidigini mälim etdi diýip, mashable.com portaly ýazýar.
Emeli aň (AI) bilen işleýän bu şekil generatory maý aýynda Google I/O konferensiýasynda hödürlendi. Ol şekillerdäki ýoýulmany we galmagaly azaldýan, kämilleşdirilen algoritmleri hödürleýär. Mundan başga-da, döredilen ähli şekiller gelip çykyşyny yzarlamaga mümkinçilik berýän SynthID sanly suw belgilenmesi bilen bellenýär.
Imagen 3 Midjourney we DALL-E 3 ýaly modeller bilen bäsdeşlik edip, köpugurlylygy we görlüş hili bilen tapawutlanýar. Google ulanylan süzgüçleriň we maglumat bellikleriniň AI howpsuzlygy kontekstinde aýratyn möhüm bolan zyýanly mazmun döretmek ähtimallygyny peseldýändigini nygtaýar.
Model eýýäm ImageFX we VertexAI arkaly ulanyjylar üçin elýeterlidir. Onuň funksiýalary ýakyn wagtda ähli platformalarda Google Workspace-e we Gemini-e birleşdiriler. Şeýle-de bolsa, käbir ulanyjylar döretmäge elýeterli şekilleriň çäklidigi babatda alada bildirýärler.
