Lamborghini Huracan modeliniň ornuny tutjak täze Temerario gibrid superkaryny resmi taýdan hödürledi diýip, Motor1 habar berýär.
Täze model 4,0 litrlik iki turbo görnüşli V8 we üç sany elektrik hereketlendirijisi bilen işleýän, umumy kuwwaty 920 at güýji bolan geçirilýän gibrid hereketlendirijiden ybarat.
Temerario 2,7 sekuntda 100 km/sag tizlige çykýar we 200 km/sag-a 7,3 sekuntda ýetip bilýär. Iň ýokary tizlik sagatda 340 km.
Superkar elektrikli tokda işlände çäkli ýöreýiş aralygyny üpjün edýän 3,8 kWt batareýa bilen enjamlaşdyrylandyr. Elektrik gurluş tekerleri doly hereketli we çekiş wektoryny dolandyryş ulgamly 8 tizlikli robot geçirijini we drift ýaly birnäçe hereketlendiriş režimini öz içine alýar.
Salonynda uglerod süýümi we deri ulanylýar, öň panelde 12,3, 8,4 diagonally we 9,1 dýuýmlyk üç displeý bar.
Täze superkaryň bahasy entek yglan edilmedi. Şeýle-de bolsa, Temerario modeli işe girizilenden soň, Lamborghini awtoulaglarynyň setiriniň tutuş elektrikleşdiriljekdigi mälimdir.
