Täjigistan hytaýly hyzmatdaşlaryň gatnaşmagynda öz elektromobillerini öndürmegi meýilleşdirýändigini mälim etdi. Kabul edilen maksatnama laýyklykda, 2028-nji ýyla çenli ýurtda elektromobilleriň we zarýad beriş stansiýalaryň önümçiligini ýola goýmak, şeýle hem olaryň işlemegi üçin ähli zerur infrastrukturany döretmek meýilleşdirýär diýip, Motor.ru habar berýär.
Elektromobillere bolan islegi artdyrmak üçin, alyjylara ýaşyl belgili nyşanlar berler we dürli artykmaçlyklar dörediler.
Elektrik transportyny ýola goýmak karary ýurtda olara bolan islegiň artmagy bilen baglanyşyklydyr. Täjigistanyň gümrük gullugynyň habaryna görä, 2023-nji ýylda ýurda 3316 sany elektromobil import edildi we 2024-nji ýylyň birinji ýarymynda bu görkeziji eýýäm 5266 elekromobile ýetdi.
Elektrik transportyny ösdürmek maksatnamasynyň çäginde 228,9 million somoni (takmynan 21,5 million dollar) sarp etmek meýilleşdirilýär.
