Russiýada sentýabr aýynyň ahyrynda almanyň, maňzyň, berýoza we soýa agaçlarynyň tozanjyklaryna bolan allergiýa garşy dünýädäki ilkinji sanjymyň kliniki synaglary başlar. Bu barada “Kommersant” Federal lukmançylyk we biologiýa gullugynyň (FLBG) ýolbaşçysy Weronika Skworsowa salgylanyp habar berýär.
Bu derman serişdesi FLBG-niň immunologiýa institutynyň we Wena lukmançylyk uniwersitetiniň alymlary tarapyndan işlenip düzüldi.
Sanjym berýoza allergeniniň esasy bölümlerini öz içine alýan sintetiki peptiddir. Ol gipoallergen hasaplanyp, hiç hili zäherlenmä sebäp bolup bilmeýär. Sanjym kursy diňe 3-5 sanjymy öz içine alýar, bu adaty usullar bilen deňeşdirilende bejerginiň wagtyny ep-esli azaldýar.
Deslapky synaglar sanjymyň howpsuzlygyny tassyklady. Kliniki synaglar üstünlikli tamamlanandan soň, derman Russiýanyň lukmançylyk edaralarynda elýeterli bolar.
