Parižde geçirilen Olimpiýa oýunlary emeli aňyň (AI) mümkinçiliklerini, wirtual hakykaty we täze sport enjamlaryny öz içine alýan ösen tehnologiýalary görkezmek üçin ajaýyp mümkinçilige öwrüldi diýip, “Kommersant” belläp geçýär.
Guramaçylar AI-y synag hökmünde, esasan, sosial ulgamlara gözegçilik etmek we türgenleriň howpsuzlygyny üpjün etmek üçin ulandylar.
AthleteGPT çatbotyny öz içine alýan Intel-iň Athlete365 ulgamy türgenlere dürli meseleler boýunça gyssagly maslahat almaga kömek etdi.
Olimpiýa şäherçesiniň sport zallaryny enjamlar bilen üpjün eden Technogym kompaniýasy, türgenleriň saglyk ýagdaýyna gözegçilik edýän we şahsylaşdyrylan okuw meýilnamalaryny hödürleýän platformalary döretmek üçin AI-y ulandy.
Mundan başga-da, türgenleri taýýarlamakda wirtual hakykat (VR) tehnologiýalary ulanyldy. Mysal üçin, awstraliýaly ýüzüjiler estafeta ýaryşlarynda koordinasiýany gowulandyrmak üçin VR äýnegini ulandylar.
Speedo we Mizuno ýaly sport eşiklerini öndürijiler türgenleriň öndürijiligini ýokarlandyrmak üçin ýokary tehnologiýaly materiallardan öndürilen egin-eşikleri hödürlediler.
