Tesla kompaniýasy geljekki Roadster superkarynda ulanylyp bilinjek täze sport oturgyjy üçin patent aldy. Patent arzasynda monolit karkas — esasy bölegi, arkalygy, kellesindäki söýeg we gapdal diregleri özünde jemleýän bitewi kompozit gabyk beýan edilýär.
Gurluş üçin kompaniýa kewlar we uglerod-neýlon kompozitlerini ulanmagy teklip etdi. Adaty sport oturgyçlary köp sanly aýratyn elementlerden ybarat bolsa, bu gurluş oturgyjyň agramyny azaldýar we berkligini ýokarlandyrýar.
Metaldan ýasalan sazlaýyş mehanizmleri çeýe şarnir bilen çalşyryldy: karkasyň materialy zerur ýerlerinde epilýär, beýleki ýerlerinde bolsa gatylygyny saklaýar. Bu bolsa tizlenmegiň we öwrümleriň wagtynda sürüjiniň has gowy saklanmagyny üpjün edär.
Standart elektro-hereketlendirijileriň deregine oturgyjy bir wagtyň özünde alty ugra süýşürmäge mümkinçilik berýän ykjam aktuatorlary ulanmak teklip edilýär.
Kompaniýanyň ýolbaşçysy Ilon Mask mundan ozal täze Roadster-iň tanyşdyrylyşynyň 1-nji aprelde bolup biljekdigini mälim edipdi. Ikinji nesliň prototipi 2017-nji ýylda görkezilipdi we önümçilige 2020-nji ýylda başlamak meýilleşdirilipdi, emma möhletler birnäçe gezek yza süýşürildi. Täze patentler we aerodinamiki tehnologiýalaryň hasaba alynmagy awtoulagyň seriýalaýyn önümçiligine taýýarlyk görülýändigini görkezýär.
