Astanada Ýewropanyň Euronews habarlar teleýaýlymynyň Merkezi Aziýadaky wekilhanasy peýda bolar. Hyzmatdaşlyk barada şertnama Brýusselde Gazagystanyň medeniýet we maglumat ministri Aida Balaýewa we Euronews-iň müdirler geňeşiniň başlygy Pedro Wargas Dawid tarapyndan gol çekildi.
Euronews Astanadan gazak medeniýeti, sungaty we durmuş ýörelgesi barada Modern nomads teleşouwyny, ykdysadyýet we syýasat barada gepleşikleri, “Merkezi Aziýadan sesler” programmasynda sebitiň tanymal şahsyýetleri bilen söhbetdeşlikleri ýaýlyma bermegi meýilleşdirýär. Focus reportažlarynda uly sebit çäreleri görkeziler.
Şeýle-de, kanal sentýabr aýynda Astanada geçiriljek Bütindünýä çarwalar oýunlarynyň maglumat hyzmatdaşy bolar.
“Bu biziň gündogara tarap iň uzak giňelmegimizdir. Biz bütin dünýäde 1,2 milliard adam üçin ýaýlyma berilýän kanal we Merkezi Aziýa aralaşmak biziň köpden bäri islän zadymyzdy” – diýip, Pedro Wargas Dawid belledi.
