Bloomberg-iň žurnalisti we Apple önümleri boýunça bilermen Mark Gurman geljekki iPhone 16 hatarynda garaşylýan üýtgeşmeler barada maglumatlar bilen paýlaşdy.
Esasy pursatlar:
- ·Apple 2024-nji ýylda dört model çykarar: iPhone 16, 16 Plus, 16 Pro we 16 Pro Max.
- ·Ähli gurluşlar 8 GB operatiw ýada we Apple Intelligence-iň işlemegi üçin zerur bolan kuwwatly Apple A18 çibine eýe bolar.
- ·Apple Intelligence-iň intellektual funksiýalary ähli iPhone 16 modellerine giriziler, şeýle-de iPhone 15 Pro-da we 15 Pro Max-da peýda bolar.
- ·iPhone 16 we 16 Plus öň diňe Pro we Pro Max modellerinde bar bolan sazlanylýan klawişa Action Button bilen üpjün ediler.
- ·iPhone 16 Pro-nyň we 16 Pro Max-yň kamerany dolandyrmak üçin aýratyn düwmä eýe bolmagyna garaşylýar.
- Galtaşma awtofokusy işjeňleşdirer.
- Basmak surata düşürer.
- Swaýp masştaby üýtgeder.
- ·iPhone 16 Pro bilen 16 Pro Max-yň ekran ölçegleri ulaldylar: Pro 6,1 dýuýmdan 6,3 dýuýma çenli, Pro Max – 6,7 dýuýmdan 6,9 dýuýma çenli.
- ·Täze reňk görnüşleri, şol sanda Titanium Blue-nyň deregine “gülgüne altyn” Pro seriýasynda peýda bolar.
Gurman bu üýtgeşmeleriň iPhone satuwynyň ösüşine ep-esli täsir edip bilmejekdigini belleýär, muny Apple-iň soňky maliýe hasabatyndaky sada çaklamalary hem delillendirýär.
