Hytaýyň demirgazyk-günbatarynda dinozawrlaryň kiçijik yzlary tapyldy

  • 10.08.2024 12:27
  • 4.1k+

Sinhua habarlar agentliginiň ýazmagyna görä, Hytaýyň demirgazyk-günbataryndaky Linsýa Global Geoparkynda dinozawrlaryň taryhda iň kiçi hasaplanýan aýak yzlary tapyldy.

Uzynlygy 1-3 santimetr aralygyndaky aýak yzlary güýçli ýagyşdan soň daşlaryň ýüzünde göründi. Şeýle yzlaryň jemi bäş sanysy tapyldy.
Alymlaryň pikirine görä, kiçijik dinozawrlar suwa ýakyn ýerlerde ýaşapdyrlar, muny  yzlaryň golaýyndan tapylan suw guşlarynyň yzlary tassyklaýar. Şuňa meňzeş tapyndylar öň Hytaýyň dürli sebitlerinde, şol sanda Syçuanda we Şandunda, şeýle hem Günorta Koreýada tapylypdy.
Dinozawrlar muzeýiniň işgärleri “Linsýa” geoparkyna medeni we syýahatçylyk mekany hökmünde gyzyklanmany hasam artdyrýan bu tapyndylaryň ähmiýetiniň uludygyny bellediler. Soňky onýyllyklaryň dowamynda bu ýerde paleontologiki barlaglar üçin möhüm ähmiýete eýe bolan 2000-den gowrak dinozawr yzlary tapyldy.


14.09.2025 15:34
6.4k+

Hytaýda bir minutda iPhone 17-ni iPhone 16-nyň bir gündäki möçberinden hem köp sargyt etdiler

12-nji sentýabrda Hytaýyň uly onlaýn platformalarynda täze iPhone 17 smartfonlary üçin deslapky sargytlar başlandy. JD.com-yň maglumatlaryna görä, sargyt kabul edilip başlanandan soňky bir minutyň içinde iPhone 17-niň satuwy iPhone 16 hatarynyň ilkinji günündäki satuw möçberinden hem köp bolup, täze rekord goýdy...

13.09.2025 15:41
4.6k+

Kalimantan adasynda meteoritden galan gadymy palta tapyldy

Kalimantan adasynyň Indoneziýa böleginde ýerleşýän Paau obasynda çen bilen bürünç eýýamyna degişli seýrek guýguç şekilli palta tapyldy. Onuň ýaşy takmynan 3000 ýyl töweregi. Radar Banjarmasin gazetiniň habaryna görä, bu artefakt 1983-nji ýylda ýerli ýaşaýjy tarapyndan altyn gözleýän mahaly tötänleýin tapyldy we  jemgyýetçilige indi mälim boldy...

05.09.2025 10:43
2.2k+

Hytaýyň uly sosial ulgamlary emeli aň tarapyndan döredilen kontentlere bellik goýup başlady

1-nji sentýabrdan Hytaýyň WeChat (Tencent Holdings) we Douyin (ByteDance) ýaly uly sosial ulgamlary emeli aňyň kömegi bilen döredilen onlaýn kontentleriň ählisine bellik goýup başlady. Muny täze kanun talap edýär diýip, South China Morning Post habar berýär...

02.09.2025 19:21
4.1k+

Beýik Britaniýada şokoladyň tagamyny güýçlendirýän saz döredildi

Beýik Britaniýada diňläniňde şokoladyň süýji tagamyny has güýçlendirýän saz döredildi diýip, New York Post habar berýär. Bristol uniwersitetinden kompozitor we ses boýunça hünärmen Natali Hiasint soňky 60 ýylda sazyň tagam duýgularyna ýetirýän täsiri baradaky ylmy gözlegleri öwrendi...