Hytaýyň Milli nebit we gaz Korporasiýasy (CNPC) gury ýerde has çuň guýulary burawlamakda täze rekord gazandy. Hytaýyň demirgazyk-günbataryndaky Takla-Makan çölüniň Tarim nebit ýatagynda ýerleşýän “Ha 13-H9” guýusynda 24 sagatda 2006 metr burawlandy diýip, Naked Science habar berýär.
Burawyň soňky çuňlugy 7341 metre ýetdi.
Şeýle üstünlikleriň, CNPC hünärmenleri tarapyndan işlenip düzülen ösen tehnologiýalaryň ornaşdyrylmagy netijesinde gazanylandygy bellenip geçilýär. 220 gradusa çenli temperatura çydamly buraw turbalarynyň we ýylylyga çydamly buraw suwuklyklarynyň ulanylmagy buraw işleriniň durnuklylygyny we howpsuzlygyny üpjün etdi. Şeýle hem, uly çuňluklarda işlemäge ukyply barlag gurallary ulanyldy.
