Niderlandlardan we ABŞ-dan gelen halkara alymlar topary ýyldyzlarara syýahatlary üçin Gün ýelkenlerini köpçülikleýin öndürmek tehnologiýasyny hödürledi.
Kremniý nitridinden döredilen foton kristalynyň galyňlygy bary-ýogy 200 nm, ölçegleri bolsa 60 × 60 mm. Täze gurluş, Gün ýelkenleriniň önümçiliginiň bahasyny bar bolan analoglaryňkydan 9000 esse arzan eder.
The Breakthrough Initiatives maksatnamasy tarapyndan goldanýan bu taslama, Alpha Centauri-daky barlaglary çaltlaşdyrmak üçin lazer basyşyny ulanýar. Iň möhüm üstünlikleriň biri hem, ýagtylygyň ugruny netijeli üýtgedýän we zerur güýje eýe bolan ýeňil materialyň döredilmegi boldy. Gurluşy işjeňleşdirmek üçin kristal önümçiliginde maşyn öwreniş tehnologiýalary ulanyldy.
Alymlar bu tehnologiýanyň, diňe bir çykdajylary azaltman, eýsem ýyldyzlararasy gözlegler üçin täze gözýetimleri açýandygyny we geljekki kosmos maksatnamalaryna uly üstünlik getirip biljekdigini belläp geçýärler.
