Täze eplenýän Samsung Galaxy Z Fold6 we Z Flip6 smartfonlarynyň eýeleri kamera linzalarynyň gaçmak meselesi bilen ýüzbe-ýüz bolýarlar. Mobiltelefon portalynyň habar berşi ýaly, ulanyjylar sosial ulgamlarda zeper ýeten gurluşlaryň suratlaryny ýerleşdirip, gurnama hiline nägilelik bildirýärler.
Mesele kameralara goýlan gorag linzalarynyň we dekoratiw halkalaryň kamera bloguna ýelimlenendigi, olaryň korpusyň bir bölegi däldigi bilen baglanyşyklydyr. Görnüşi ýaly, berkitmek üçin hili pes ýelim ulanylypdyr. Linzalar smartfon jübä ýa-da el torbasyna salnanda, gaçyp bilýärler, netijede kameralar tozandan we zeperlerden goragsyz galýarlar.
Samsung gurluşlaryň IP48 standarty boýunça goraglydygyny nygtaýar, ýöne ulanyjylar bu goragyň ygtybarlylygyna şübhelenýärler, şeýle-de bolsa galan ýagdaýlarda Galaxy Z Fold6 çydamlylyk synagyndan geçdi.
Häzirlikçe mesele giňden ýaýramadyk, ýöne wagtyň geçmegi bilen, aýratynam, çyglylygyň we temperatura üýtgemeleriniň täsiri astynda onuň ýaýramak ähtimallygy bar. Gurluşlaryň bahasy ýokary bolmagynda galýar, hut şu hem ulanyjylar oňaýsyz ýagdaýa düşürýär.
