Türkiýäniň Syýahatçylyk we medeniýet ministri Gara deňziň gündogar böleginde ýeke-täk ilatly ada bolan Giresun adasyny gaýtadan janlandyrmak boýunça taslamany yglan etdi. Bu barada Turizm News habar berýär.
Adybir şäherden 1,2 km uzaklykda ýerleşen Giresun täze syýahatçylyk maksatnamasynda esasy orny eýelär. Ada Aretias ady bilen hem tanalýar we köp rowaýatlarda, şol sanda amazonkalar, argonawtlaryň Altyn goýun derisi üçin syýahatlary baradaky rowaýatlarda ýatlanýar. Rowaýatlara görä, argonawtlaryň üstünden demir ýelekleri ýagdyran guşlar hut şol ýerden uçup gelipdir. Ada Gomeriň “Odisseýinde” hem agzalyp geçilýär.
Taslama bu taryhy künjegiň syýahatçylyk taýdan özüne çekijiligini ýokarlandyrmaga gönükdirilendir. Häkimiýetler adany jahankeşdeler üçin has elýeterli etmek isleýärler.
Häzirki wagtda bary-ýogy 4 gektar meýdany eýeleýän Giresun adasy hiç hili gezelenç ugruna girmeýär, muňa garamazdan, her ýyl 50 müňe golaý özbaşdak syýahatçyny özüne çekýär. Bu ada iýun – oktýabr aýlarynda Giresun şäherinden katerde baryp görmek bolýar.
Taslamanyň 2025-nji ýylda durmuşa geçirilip başlanmagyna garaşylýar, ony ýerine ýetirmek üçin tender ýakyn iki aýda yglan ediler.
