Apple ulanyjylara öz gurluşlary üçin web-sahypalardan päsgel beriji elementleri aňsatlyk bilen aýyrmaga mümkinçilik berýän täze funksiýany hödürledi.
Duşenbe güni, 5-nji awgustda, kompaniýa iOS-18-iň bäşinji beta-wersiýasyny çykardy we onda “Distraction Control” (Контроль отвлечений) opsiýasy peýda boldy. Bu funksiýa cookie maglumatlarynyň ýygnalmagyna razylyk bermek bilen, mahabat bannerlerini, ekranyň ýüzüne çykýan penjireleri we goşmaça sahypalary aýyrmaga mümkinçilik berýär.
Funksiýa adaty mahabat petikleýjileriniň ornuny tutmaýar, sebäbi saýt täzeden ýüklenende gizlin obýektler ýene-de peýda bolýar. Distraction Control saýtlarda tekstleri okamaga päsgel berýän wizual taşlandylary aýyrmak üçin niýetlenendir. Ulanyjylar Safari dok-baryndaky nyşana basyp, funksiýany işjeňleşdirmek bilen, päsgel berýän obýektleri gök çarçuwa bilen aýratynlandyryp, olary gizläp bilerler.
Bu opsiýa diňe Safari brauzerinde elýeterlidir we iPhone, Mac we iPad gurluşlarynda işleýär. Obýektler aýrylan ýagdaýynda, Tanosyň “bir şykgyldysynyň” netijesini ýada salýan animasiýa peýda bolýar.
