Beýik Britaniýanyň Türkmenistandaky ilçihanasy 2025-2026-njy okuw ýyly üçin “Chevening” maksatnamasyna arzalaryň kabul edilip başlanandygyny yglan etdi. Beýik Britaniýanyň hökümeti tarapyndan maliýeleşdirilýän bu talyp hakly maksatnama türkmen talyplaryna britan ýokary okuw mekdeplerinde magistr derejesini almaga mümkinçilik berýär. Bu barada maglumat «Нейтральный Туркменистан» gazetiniň şu günki sanynda çap edildi.
Bu maksatnama mugallymlary taýýarlamak hem-de iňlis dilini öwrenmek boýunça okuwlardan başga hünärleriň giň toplumy girýär. Talyp haky okuw, ýaşaýyş we ulag çykdajylaryny doly ýapýar. Dalaşgärler iňlis dilini oňat bilip, karýerasyna täze başlan ýa-da onuň ortasyna ýeten bolmaly.
Maksatnama gatnaşmak üçin 2024-nji ýylyň 5-nji noýabryna çenli www.chevening.org/apply resmi saýtynda elektron sowalnamany doldurmaly. Goşmaça maglumaty Beýik Britaniýanyň ilçihanasynyň resmi saýtyndan ýa-da ilçihana bilen elektron poçta (ukembassy.ashgabat@fcdo.gov.uk) arkaly habarlaşyp alyp bolar.
Ähli dalaşgärler saýlap-seçip almak döwründen geçerler. Saýlap-seçiş alyş işinden üstünlikli geçen dalaşgärler 2025-nji ýylyň iýunynda yglan ediler.
