SAIC we Volkswagen-iň bilelikdäki kärhanasy 2024-nji model ýylynyň täze Volkswagen Tiguan X krossowerini hytaý bazarynda satuwa çykardy diýip, Autohome habar berýär.
Modeliň daş keşbi öňküligine galdy. Awtoulag, mümkin boldugyça iň ýokary tehnologiýalar bilen enjamlaşdyrylan ýekeje 330TSI Ultimate wersiýasynda hödürlenýär.
Awtoulag 7 basgançakly robot we öň priwod bilen bilelikde işleýän 186 at güýjüni öndürýän 2.0 litrlik turbo hereketlendirijisi we 20 dýuýmlyk teker diskleri bilen enjamlaşdyrylandyr.
Täze önümiň bahasy 35 müň dollar, ýöne awtoulag jemi 7 müň dollara ýetýän dürli arzanladyşlar we bonuslar bilen hödürlenýär. Bu bolsa, Volkswagen Tiguan X 2024-i hytaý bazarynyň iň özüne çekiji teklipleriniň birine öwürýär.
