Parižde Olimpiýa oýunlarynyň dokuzynjy ýaryş güni tamamlandy. Medal sanawynda birinji orna ABŞ-nyň milli ýygyndysy çykdy. 4-nji awgustyň ahyryna çenli amerikan toparynyň hasabynda 19 altyn, 26 kümüş we 26 bürünç medal boldy. Umumy medal sany 71-e ýetdi.
Ikinji orna Hytaý düşdi, onuň hasabynda 19 altyn, 15 kümüş we 11 bürünç medal bar (jemi – 45). Üçlügi Fransiýa jemleýär (12-14-18, jemi – 44).
Ýekşenbe güni sportuň 13 görnüşinde 39 medal toplumy paýlandy.
Günüň esasy wakalary:
- ·37 ýaşly serbiýaly tennisçi Nowak Jokowiç karýerasynda ilkinji gezek erkekleriň arasynda ýekelikde Olimpiýa çempiony boldy.
- ·Filippinlerden sport gimnastikaçysy Karlos Ýulo eliňi diräp bökmekde ýeňiji boldy. Mundan öň, Parižde ol erkin maşklarda iň gowy gimnastikaçy boldy.
- ·Amerikaly Ksander Şoffel golf ýaryşynda altyn medal gazandy.
- ·Amerikaly suwda ýüzüji Bobbi Fink 1500 metre erkin usulda ýüzmekde ýeňiji bolup, dünýä rekordyny täzeledi.
- ·Beýiklige bökmekde ukrainaly Ýaroslawa Maguçih ýeňiji boldy.
- ·Amerikaly Noa Laýls 100 metre ylgamakda ýamaýkaly Kişan Tompsondan 0,005 sekunt öňe geçip, ýeňiji boldy.
- ·Hytaýyň zenanlar ýygyndysy 4x100 m kombinirlenen estafetada ýeňiş gazandy.
- ·Şwesiýaly suwda ýüzüji Sara Şýostrem 50 metre erkin usulda ýüzüşde ýeňiji boldy. Öň, ol Parižde 100 metre erkin usulda ýüzmekde altyn medal aldy.
- ·Belgiýaly triatlonçy Kler Mişel Senadaky ýüzüşden soň hassahana ýerleşdirildi, onda içege taýajyklary ýüze çykaryldy. Türgen eýýäm dört gün bäri lukmanlaryň gözegçiliginde saklanýar. Şu sebäpli Belgiýa topary 5-nji awgustda geçirilmeli garyşyk estafetadan çekilmäge mejbur boldy.
Toparlaryň ýeňişleri:
- ·ABŞ-nyň milli ýygyndysy welosport boýunça topar ýaryşynda altyn medal aldy.
- ·ABŞ-nyň zenanlar ýygyndysy 4x100 m kombinirlenen estafetada ýeňiji bolup, dünýä rekordyny goýdy.
- ·Hytaýly suwda ýüzüjiler erkekleriň arasynda 4x100 m kombinirlenen estafetada ýeňiş gazandylar.
- ·Italiýalylar Sara Errani we Ýasmin Paolini Olimpiýa tennisinde Italiýa üçin ilkinji altyn medaly gazandylar.
- ·Ýaponiýanyň gylyçlaşma boýunça topary erkekleriň arasynda geçirilen toparlaýyn rapira ýaryşynda altyn medal gazandy.
