Parižde 2024-nji ýylyň Olimpiýa oýunlarynda ýeňil atletika boýunça ýaryşlarda Türkmenistanyň ýeke-täk wekili Walentina Meredowa çykyşlaryny tamamlady.
39 ýaşly türgen 100 metr aralyga ylgamakda deslapky tapgyrda 12,01 sekunt görkeziji bilen dördünji orny eýeläp, indiki tapgyra çykmagy başardy. Ýarym finala çykmak ugrunda ýaryşda ol aralygy 11,95 sekuntda geçip, 9-njy netijäni görkezdi. Bu ýarym finala çykmak üçin ýeterlik bolmady.
Walentina Meredowa üçin karýerasynda bu eýýäm ikinji Olimpiýa ýaryşlarydyr. Birinji gezek ol 2008-nji ýylda Pekin Olimpiadasyna gatnaşdy.
Meredowa 100 metr aralyga ylgamakda Türkmenistanyň milli rekordynyň eýesidir - 11,56 sekunt. BU netijäni ol 2008-nji ýylda Almatyda gazandy.
