Google-iň işgärleri Ýer atmosferasyny ýokary takyklyk we tizlik bilen modelirlemäge ukyply “NeuralGCM” atly neýroulgamyny döretdiler.
Tehnologiýa bar bolan fiziki modellerden öňe geçip, adaty modelirmäni maşyn öwrenmek bilen utgaşdyrýar. NeuralGCM atmosferadaky uly üýtgeşmeleri hasaplamak üçin adaty modelleri ulanýar, emeli aň bolsa maglumatlary has ýerli derejede işläp taýýarlaýar.
Täze tehnologiýa 2 günden 15 güne çenli takyk howa çaklamalaryny döretmäge, şeýle hem ýakyn ýyllarda howanyň üýtgemegini çaklap, uly howa hadysalaryny modelirlemäge mümkinçilik berýär. Synaglar, NeuralGCM-iň çyglylygy we temperaturany çaklamakda X-SHiELD ýaly bar bolan modellerden 15-50% has takykdygyny görkezdi.
Google, NeuralGCM-i oba hojalyk hünärmenlerini öz içine alýan dünýädäki alymlar we guramalar üçin elýeterli bolan açyk başlangyç kodly model etmek isleýär.
