Meta 405 milliard parametri öz içine alýan iri dil modeli (LLM) Llama 3.1-iň täze wersiýasyny hödürledi. Meta-nyň baş direktory Mark Sukerbergiň beren beýanatyna görä, Llama 3.1 modeli OpenAI (GPT-4o) we Anthropic (Claude 3.5) ýaly modellerden birnäçe görkezijileri boýunça has ýokarydyr.
Açyk çeşme hökmünde elýeterli bolan täze model 16 000 Nvidia H100-iň grafiki prosessorlarynda taýýarlanýar. Meta Llama 3.1 405B-iň umumy bilim, matematiki endikler we köp dilli terjime ugurlarynda ýapyk önümler bilen bäsleşýän ilkinji gezek köpçülige hödürlenýän modeldigini öňe sürýär.
Uly model bilen birlikde, Meta 70 milliard we 8 milliard parametrli Llama modellerine täzelenmeler girizdi, bu hem, kompaniýanyň tassyklamagyna görä, bäsdeşlerinden has ýokarydyr.
AI modellerine eýeçilik edýän OpenAI-dan, Google-dan, Microsoft-dan we Antropic-den tapawutlylykda, Meta Llama-ny açyk çeşme hökmünde hödürleýär. Sukerberg bu çemeleşmäniň tehnologiýanyň artykmaçlyklaryna has giňişleýin elýeterliligi üpjün edýändigine, birnäçe iri kompaniýanyň elinde güýç jemlenmeginiň öňüni alýandygyna we AI-iň has ygtybarly ýaýbaňlandyrylmagyna kömek edýändigine ynanýar.
Llama 3.-i1 resmi modeliň web sahypasyndan, şeýle hem Meta-nyň AWS, Nvidia, Databricks, Groq, Dell, Azure we Google Cloud ýaly hyzmatdaşlaryndan göçürip alyp bolýar. Ulanyjylar AI-ni Meta AI çat-botunda we käbir ýurtlarda Facebook-da, Instagram-da we WhatsApp-da synap bilerler.
