Britaniýanyň AutoCar žurnaly 2024-nji ýylyň iň gowy sport elektromobilleriniň reýtingini düzdi. Sanawda birinji orny özüniň dolandyryjylygy we kuwwatly güýç gurluşy bilen haýran galdyran Hyundai Ioniq 5 N eýeledi. Iki hereketlendiriji bilen (öňdäki okda 223 at güýji we yzky okda 378 at güýji) bu elektromobil 641 at güýjüni berýär we 3,4 sekuntda tizligini sagatda 100 km çenli artdyrýar. Ol rahat we asuda häsiýeti sebäpli hem gündelik gatnawlar, hem ýaryş üçin amatlydyr.
Ikinji orunda owadan dizaýny, ýokary dolandyryjylygy, geçýän menzili we çalt zarýad beriş bilen tapawutlanýan Porsche Taycan ýerleşýär. Ýöne onuň kemçiligi-de bar: birneme dar salon we ikinji derejeli bazarda pes satylmagy.
Üçünji orny Audi kompaniýasynyň RS seriýasyndan ilkinji elektromobili Audi RS E-tron GT eýeledi. Ol ýokary kuwwatlylyga we akgynly herekete eýe, ýöne onuň bahasy gymmat we ol Audi RS8-iň ornuny doly tutup bilmeýär.
Dördünji orny ýokary öndürijilige eýe bolan, dünýäde iň tiz awtomobilleriň biri Rimac Nevera aldy. Onuň ýeke-täk kemçiligi – ýokary baha.
Bäşinji orny ýeňilligi we tizligi netijesinde köp elektrokarlardan öňe geçýän Lotus Evija eýeledi.
Şeýle-de, iň gowy sport elektrokarlarynyň ilkinji onlugyna şular girdi:
- Pininfarina Battista;
- Maserati Granturismo Folgore;
- MG Cyberster;
- BMW i4;
- Kia EV6 GT.
