Russiýanyň Saratow oblastynyň inženerleri nebit we gaz önümçiliginiň işjeňligini ýokarlandyrmaga mümkinçilik berýän täze tehnologiýany işläp düzdüler. Bu barada TASS agentligi sebitiň Senagat we Energetika ministrliginiň metbugat gullugyna salgylanyp habar berýär.
Merkeziň müdiri Oleg Woiniň ýolbaşçylygynda “Frakjet-Wolga” inženerçilik we tehniki merkezinde döredilen tehnologia Astrahan we Orenburg gaz kondensat ýataklarynda üstünlikli synagdan geçirildi.
Bu tehnologiýa Orenburg ýatagyndaky sekiz guýynyň nebit öndürijiligini 1,7-den 3,97 esse ýokarlandyrmaga mümkinçilik berdi.
Tehnologiýa guýuda goşmaça ýollary döredýän we ozal ulanylmadyk ýataklary önümçilige getirýän kislota akymly burawlama esaslanýar.
“Frakjet-Wolga” Russiýanyň nebit-gaz pudagynyň liderlerine ýokary tehnologiýaly we ylmy-tehniki hyzmatlary berýän nebit hyzmat toparydyr. Kompaniýa guýulary gurmak we abatlamak pudagynda öňdebaryjy tehnologiýalary döretmekde we ösdürmekde ýöriteleşendir.
