Aýdymçy Selin Dionyň Pariždäki Olimpiýa oýunlarynyň açylyş dabarasyna gatnaşmagy garaşylmadyk sowgat boldy, ol ýarawsyzlygy sebäpli köp wagtdan soň ilkinji gezek sahna çykdy. Bu waka üçin DIOR moda öýi ýörite ýylpyldaýan ýyldyz tozgasynyň effektini döredýän biser, aýna monjuk we monjuk däneleri bilen bezelen ýüpekden köýnek taýýarlady. Onuň esasy bezegi bolsa 500 metr seçekden ybarat şleýf boldy.
Bu obrazda Dion Eýfel diňinde Edit Piafyň “Söýgi senasy” aýdymyny ýerine ýetirdi. Modelýerler köýnegi döretmek üçin 1000 sagatdan gowrak wagt we uly zähmet sarp etdiler. Çünki, köýnek doly elde bezeldi.
Selin muşdaklara goldawlary üçin minnetdarlyk bildirip, ýakyn wagtda ýene sahna çykmak üçin ähli tagallalary etjekdigini aýtdy.
Dion Olimpiadanyň açylyş dabarasynda ikinji gezek çykyş etdi. Öň, ol Atlantada 1996-njy ýylyň Olimpiýa oýunlarynyň açylyşynda “The Power of the Dream” aýdymyny ýerine ýetirdi.
