2026-njy ýylyň Olimpiýa oýunlarynyň türgenleri moda şowhunyny döretdiler

Halkara Olimpiýa komiteti Milandaky resmi myhman kabul ediş merkezi bolan «Clubhouse 26»-da «Olympic Winter Games Fashion Showcase» atly şowhunly moda çäresini geçirdi.
Guramaçylyk komitetiniň saýtynda berilýän maglumata görä, bu çäre dünýäniň moda paýtagtynyň merkezinde gyşky sport stiliniň iň täsirli pursatlaryny bir ýere jemledi.  Şeýle-de italýan stilindäki Olimpiadanyň döredijilige baý taraplaryny açyp görkezip, dünýä möçberli sport çäresinden nämelere garaşmalydygyny duýdurdy.  Iň gyzykly ýeri-de, podiumda milli olimpiada komitetleriniň eşikleri, şol sanda sport lybaslary we açylyş dabarasy üçin niýetlenen dabara kostýumlary hut olimpiadaçylaryň özleri tarapyndan görkezildi.

«Sport we stil Olimpiýa oýunlarynda köp wagtdan bäri biri-biri bilen utgaşyp gelýär. Onda öňdebaryjy tehnologiýa enjamlary her  toparyň özüne mahsus estetikasy hem-de taryha girjek moda pursatlary bilen birlikde figuralaýyn typmak üçin ýörite kostýumlardan başlap, açylyş dabaralarynyň kaşaň lybaslaryna çenli birleşýär» diýlip, habarda bellenilýär.

Jemläp aýdylanda, «Fashion Showcase» 90 ýurtdan gelen 2 900 türgeniň Olimpiada ýeňşiniň arzuwynda ýüzýän mahaly, olara sport meýdançasynda we ondan daşarda haýsy innowasiýalaryň we stilleriň gelişjekdigini görkezdi.
Gyşky Olimpiýa oýunlarynyň açylyş dabarasy şu gije sagat 23:50-de başlaýar.