Calvin Klein markasy we «BTS» toparynyň agzasy Çonguk ilkinji bilelikdäki kolleksiýasyny taýýarlady diýip, «WWD» neşiri habar berýär.
Bu ýygyndy, takmynan, 20 sany modeli öz içine alýar. Olaryň arasynda kurtkalar, balaklar, hudiler, switşotlar, futbolkalar we içki geýimler bolup, olaryň bahasy 29 dollardan 699 dollara çenli üýtgeýär.
«Calvin Klein-iň» bellemegine görä, Çonguk kolleksiýanyň taýýarlanmagyna brendiň topary bilen bilelikde işjeň gatnaşdy. Ol reňkleri saýlady, printleriň we beýleki detallaryň dizaýnyny işläp taýýarlamaga kömek etdi. Baş gahryman hökmünde artist bilen mahabat kampaniýasyny Alasder Maklellan surata düşürdi.
Çonguk 2023-nji ýylyň ýazynda «Calvin Klein-iň» global ilçisi boldy. Ol brendiň mahabat kampaniýalaryna yzygiderli gatnaşýar.
Ýakynda aýdymçy «Chanel» modalar öýüniň hem global ilçisi boldy. Ol bu barada: «Meniň üçin Chanel — özüniň wagt geçse-de gymmatyny ýitirmeýän mirasyny aýawly saklaýan we häzirki döwrüň meýillerine laýyklykda yzygiderli ösýän täzeçil moda öýüdir» diýip teswir berdi.
