Ženewada geçirilen «Watches & Wonders 2026» sergisinde Chanel moda öýi özüniň «Coco Game» atly täsin küşt toplumyny görkezdi. Bu toplum, oýun esbaby däl-de, hakyt ajaýyp sungat eserine meňzeýär.
Bahasy 4 million dollarlyk küşt toplumynyň materialy ak altyn we keramikadan bolup, 9 müňden gowrak göwher daşlar bilen bezelendir. Onuň bezegini işläp düzmek üçin 3 ýyldan gowrak wagt sarp edildi.
Küşt tagtasynyň esasyna 15,48 karat agyrlykdaky 516 sany göwher dakylan.
Bu toplumyň iň täsin ýeri, küşt mallarynyň her birini aýratyn şaý-seý hökmünde dakynyp bolýar. Şolaryň içinde iň merkezi şekil (şa) brendi esaslandyryjy Gabriell Şaneldir. Bu şekiliň içinde kiçijik sagat gizlengi. Şeýle-de şlýapanyň aşagyndaky ýörite gurluş arkaly ony zynjyra dakyp, kulon hökmünde ulanyp bolýar.
Lýuks segmentiň brendleri şeýle gymmat harytlary hödürleýän wagty, beýleki kompaniýalar müşderileri çekmek üçin düýbünden başga ýollary saýlaýarlar. Mysal üçin, IKEA-nyň Saud Arabystanyndaky bölümi «Step Buy Step» atly gyzykly aksiýany işe girizdi. Aksiýada dükanyň içinde azyndan 4000 ädim ýörän müşderilere 10% möçberinde arzanladyş hödürlenýär.
Bu iki wakanyň deňeşdirilmegi, häzirki zaman bazarynyň iki sany düýpli dürli ugurdan:hem aşa ýokary kaşaňlyk, hem fiziki işjeňlik we hakyky müşderi gatnaşygyndan ösýändigini görkezýär.
