“Dedpul 3” filmi heniz çykyp ýetişmänkä, Ginnesiň rekordlar kitabyna girmegi başardy. Film 24 sagadyň içinde iň köp tomaşa edilen treýler hökmünde şahadatnama aldy. Bir günde lentanyň ilkinji treýlerine 365 mln gezek tomaşa edildi.
Baýrak filmde baş keşpleri ýerine ýetiren Hýu Jekmana we Raýan Reýnoldsa berildi. Reýnolds bu görkezijini treýlere 365 günüň içinde, takmynan, 1 mln gezek tomaşa edilmegi bilen deňeşdirdi.
Reýnoldsyň özüne-de ýene bir şahadatnama berildi, ol Uelsiň Rekshem şäherindäki aýlawyň eýýäm 147 ýyl 31 gün bäri ulanylýan iň gadymy halkara futbol meýdançasydygyny tassyklaýar. Aktýor Wrexham AFC futbol klubunyň egindeş eýesidir.
Dedpul we Rosomaha baradaky filmiň global premýerasy 26-njy iýulda bolar.
