2026-njy ýylyň 16-njy martynda Döwlet Baştutany Serdar Berdimuhamedow Oraza baýramyny bellemek we Milli bahar baýramy mynasybetli dynç gününi geçirmek hakynda Permana gol çekdi. Bu barada «Watan» habarlar gepleşiginde habar berildi.
Bu resminama halkyň köp asyrlyk däp-dessurlaryna aýawly çemeleşmek, ruhy baýlyklary gorap saklamak we ilatyň bu baýramlary dabaraly ýagdaýda belläp geçmegi hem-de oňat dynç almagy üçin oňaýly şertleri döretmek maksady bilen, şeýle-de Türkmenistanyň Zähmet kodeksiniň 81-nji maddasyna laýyklykda kabul edildi.
Permana laýyklykda:
- Türkmen halkynyň milli baýramy bolan Oraza baýramy 2026-njy ýylyň 20-nji martynda belleniler.
- Milli bahar baýramy mynasybetli, 2026-njy ýylyň 22-nji martyndaky dynç güni 23-nji marta, duşenbe gününe geçirildi.
Şeýlelikde, Türkmenistanyň raýatlary baýramçylyk günlerinde yzygiderli dört gün: 20, 21, 22 we 23-nji martda dynç alyp biler. Bu Perman eýeçiliginiň görnüşine garamazdan, ýurduň ähli edaralary, kärhanalary we guramalary üçin ýerine ýetirilmegi hökmanydyr.
