Xiaomi diňe bir täze smartfonlaryny we dakylýan gurluşlaryny däl, eýsem SU7 elektrik sedanynyň iň ýokary görnüşini hem hödürledi.
SU7 Ultra elektrik giperkary V6s hereketlendirijisi bilen üsti ýetirilen iki sany V8s hereketlendirijisine eýe boldy – ulgamyň umumy kuwwaty 1548 at güýjüne barabar.
Elektromobiliň haýran galdyryjy tehniki aýratynlyklary bar:
- 100 km/sag çenli bat alyş: 1,97 sekunt
- 200 km/sag çenli bat alyş: 5,96 sekunt
- 300 km/sag çenli bat alyş: 15,07 sekunt
- Iň ýokary tizlik: sagatda 350 km-den gowrak
- Tormoz ulgamy: 6-nokatly support bilen AP Racing
- 100 km/sag-dan tormoz ýoly: 25 metr
Xiaomi SU7 Ultra dünýäde CATL Kirin II çekiş batareýaly ilkinji elektromobildir. Döredijiler aerodinamika aýratyn üns berýärler: iň ýokary basma kuwwaty 2145 kg ýetýär – bu bolsa awtoulagyň öz agramyndan (1900 kg) hem ýokary geçýändir.
Awtoulagyň kuzow panelleriniň doly derejede uglerod süýüminden ýasalandygy bellenilýär. Modeliň elýeterliligi we bahasy barada maglumatlar heniz aýan edilmedi.
