Ostindäki (ABŞ) Tehas uniwersitetiniň alymlary hasyllylygy ýokarlandyryp, suwuň sarp edilişini azaldýan innowasion “akylly toprak” döretdiler diýip, Mail.ru habar berýär.
Täze tehnologiýa gije howadan suw buglaryny ýygnap, ony gündizine ösümlikleriň köklerine berýän gidrogele esaslanýar. Gidrogelde möhüm iýmit serişdesi bolan kalsiý hloridi hem bar.
Laboratoriýa synaglarynda, “akylly toprakda” ösdürilip ýetişdirilen ösümlikleriň baldagynyň uzynly 138% ýokarlandy. Şol bir wagtyň özünde, olary suwarmak üçin 40% az suw talap edildi.
Taslamanyň awtory Guýhua Ýu: “Global suw ýetmezçiligi, ilat sanynyň köpelmegi bilen birlikde azyk howpsuzlygyna täsir edýär. Gidrogelleriň bu görnüşi, häzirki durnukly oba hojalygynyň zerurlyklaryny kanagatlandyrmak üçin çözgüt hödürleýär".
Täze taslama, esasanam, suwuň çäklendirilen sebitleri üçin, şeýle hem planetanyň köpelýän ilatyna azyk üpjünçiligi meselesini çözmek üçin has möhüm bolup biler.
