Xiaomi kompaniýasynyň «Madrid» diýen gizlin atly täze smartfony ilkinji gezek halkara ykjam enjamlaryň (GSMA IMEI) maglumatlar gorunda peýda boldy. Bu ýagdaý täze telefonuň tiz wagtda satuwa çykaryljakdygynyň alamatydyr.
Resmi sanawda bu enjamyň dürli ýurtlar, şol sanda Hytaý, Hindistan, Ýaponiýa we bütindünýä bazary üçin niýetlenen birnäçe görnüşi hasaba alnandyr. Adatça Xiaomi, ilki bilen, özüniň iň güýçli, öňdebaryjy nusgalaryny Hytaýda satyp başlaýar, soňra bolsa ony beýleki ýurtlara ýaýradýar.
Gizmochina neşiriniň ýazmagyna görä, «Madrid» adynyň aňrysynda geljekde çykaryljak Xiaomi 18 tapgyrynyň esasy nusgasy ýa-da has güýçlendirilen Xiaomi 18 Pro-nyň gizlenip ýatan bolmagy-da mümkin.
Telefonuň çaklanylýan aýratynlyklary:
Prosessory: Täze nesliň iň güýçli «Snapdragon 8 Elite Gen 6» çipi.
Operatiw ýat: Iň döwrebap «LPDDR6» standarty.
Ekranyň ölçegi: Ululygy diagonal boýunça 6,3-den 6,4 dýuýma çenli bolar.
Resmi rugsatnamalaryň alynýan ilkinji tapgyrynda telefonuň birbada dürli ýurtlar üçin niýetlenen görnüşleriniň ýüze çykmagy Xiaomi-niň bu gezek täze önümini dünýä bazaryna öňkülerden has giň we çalt ýaýratmagy meýilleşdirýändigini subut edýär.
