Timoti Şalame stol tennisi boýunça professional oýunçy Marti Reýsman barada gürrüň berjek täze “Marty Supreme” filminde baş keşbi ýerine ýetirer. Bu barada Variety habar berýär.
Filmiň režissýory bolup “Gyraňlanmadyk almaz” («Неограненные алмазы») we “Gowy wagt” («Хорошее время») filmleri bilen belli bolan Joş Sefdi çykyş eder. Ol ssenariýany Ronald Bronşteýn bilen awtordaşlykda ýazdy.
Joş Sefdi öňki filmleriniň birnäçesine dogany Benni Sefdi bilen bilelikde režissýorlyk etdi. Indi doganlar ýekelikde taslamalara başladylar. Marty Supreme – 2008-nji ýylda ilkinji gezek özüni görkezip başlany bäri Joş Sefdiniň ilkinji ýekelikdäki doly metražly režissýorlyk işidir.
Şalame doganlar Sefdileriň işine öňden bäri haýran galýar, ol hatda 2019-njy ýylda olaryň “Gyraňlanmadyk almaz” trilleri barada esse ýazdy. Täze filmde ol diňe bir aktýor hökmünde däl, eýsem taslamanyň prodýuseri hökmünde-de çykyş eder. A24 studiýasy filmiň üstünde işlenip başlanandygyny tassyklady.
Şalameniň aktýorlyk zehinini we Sefdiniň režissýorlyk tejribesini göz öňünde tutup, taslama uly gyzyklanma bilen garaşylýar.
