Türkmenistanyň Daşary işler ministrliginiň Halkara gatnaşyklary institutynyň halkara gatnaşyklar fakultetinde okan Serdar Rahimow GDA-nyň ýaş halkara gatnaşykçylarynyň A.A.Gromyko adyndaky bäsleşiginiň finalyna çykdy. Bu barada, “Türkmenistan: Altyn asyr” onlaýn neşirini habar berýär.
Bäsleşikde halkara hukugy we deňeşdirme hukuk öwreniş kafedrasynyň uly mugallymy Dürli Ballyýewa we halkara hukugy fakultetiniň 4-nji ýyl talyby Umyt Annagylyjowa hem üstünlik gazandylar. Olaryň üçüsine-de diplomlar we şahadatnamalar gowşuryldy.
Bäsleşigiň jemleýji tapgyry, şul aý Russiýanyň Ylymlar akademiýasynyň Ýewropa institutynda we Russiýanyň Daşary işler ministrliginiň Moskwa döwlet Halkara gatnaşyklary institutynda geçiriler. Jemleýji tapgyryň çäginde finalçylaryň Forumy geçiriler.
Bäsleşik birnäçe nominasiýalar boýunça geçirilýär: ylmy makalalar, esse we talyplar üçin başlangyç nominasiýa. Finalçylaryň işleri makalalaryň ylmy ýygyndysynda çap ediler, ýeňijileriň işleri bolsa, Ýokary attestasiýa komitetiniň sanawyna girizilenleri goşmak bilen öňdebaryjy akademiki žurnallarda çap ediler. Ýeňijilere gymmatly baýraklar gowşurylar.
GDA-nyň ýaş halkaraçylarynyň A.A.Gromyko adyndaky bäsleşigi 2018-nji ýyldan bäri her ýyl geçirilýär.
