Toyota Camry, Honda Accord we Volkswagen Passat Hytaýda 30% arzanladyş bilen satylýar

  • 16.07.2024 15:52
  • 14k+

Hytaýyň awtoulag bazarynda baha "döwüşlik" dowam edýär. Elektrik ulaglarynyň we gibridleriň barha artýan meşhurlygyna garşy durmak üçin ýapon we nemes awtoulag öndürijileri nusgawy benzin modellerini ep-esli arzanladyş bilen hödürleýärler.

Toyota, Honda we Volkswagen meşhur modellerini 30 göterime çenli arzanladyş bilen hödürleýär.
Hususan-da, 2,0 litrlik benzin hereketlendirijili we wariatorly Toyota Camry XV80-ni indi, ähli arzanladyşlardan we ýörite tekliplerden soň, 16,5 müň dollara satyn alyp bolýar. Honda Accord 14,7 müň dollara satylýar. Volkswagen Passat-y 14,5 müň dollara satyn alyp bolýar - bu modeldäki arzanladyşlar 10,6 müň dollara ýetýär.
Bahalaryň aşakladylmagy ýapon we nemes markalarynyň elektrik ulaglaryň we gibridleriň çalt meşhurlyk gazanýan Hytaý bazaryndaky paýyny saklamaga synanyşyklar bilen şertlendirilýär.
Iýun aýynda Camry-niň we Accord-yň, takmynan, 12 müň birligi satyldy. Volkswagen Passat iň gowy netijeleri görkezýär - bu modeliň 17,1 müň birligi satyldy.


27.08.2025 15:21
6.6k+

Nemes týunerleri Toyota Land Cruiser Prado-nyň ýerden beýikligini 50 millimetr artdyrdylar

Germaniýanyň Delta 4x4 atelýesi Toyota Land Cruiser Prado-nyň soňky nesli üçin üýtgeşmeler toplumyny hödürledi. Wnedorožnik döwrebaplaşdyrylan podweskany, kuzowyň goragyny we goşmaça esbaplary aldy. Bukjanyň bahasy entek mälim edilmedi...

21.08.2025 16:12
8.5k+

Hindistanda Toyota Camry-nyň täze görnüşi – Sprint Edition hödürlendi

Hindistanda 4,85 mln rupiýa (takmynan, 55,4 müň dollar) baha bilen täze Toyota Camry Sprint Edition hödürlendi. Bu görnüş Elegance wersiýasyna esaslanýar we goşmaça töleg talap etmeýär. Ulagyň tehniki taraplary öňküligine galdy, üýtgeşmeler diňe daşky görnüşe we interýeriň bezeg elementlerine degişlidir...

20.08.2025 08:48
13k+

Awtomobilleriň iň köp öndürilýän ýeri nirede: infografika

Geçen ýyl dünýäde 92 milliondan gowrak awtomobil öndürildi. Önümçiligiň esasy bölegini Hytaý, Ýaponiýa we ABŞ üpjün etdi – ýygnalan ähli ulaglaryň 54%-i bu ýurtlaryň paýyna düşdi. Şol bir wagtyň özünde, Hindistan, Meksika we Braziliýa ýaly ösýän bazarlaryň täsiri-de artýar...

18.08.2025 19:27
5.2k+

Volkswagen benzin bilen işleýän we gibrid modellerine hytaý tehnologiýasyny uýgunlaşdyrýar

Volkswagen we Xpeng awtoulaglaryň elektron arhitekturasy boýunça bilelikdäki işini giňeltjekdiklerini habar berdiler. Öň ol diňe Hytaý üçin niýetlenen CMP we MEB platformalaryndaky elektrik ulaglary üçin ulanylýardy, indi ony plagin gibridleri we şol ýurtda satylýan benzin hereketlendirijili awtoulaglar üçin ulanmak meýilleşdirilýär...